IMD એ 31 જુલાઈ માટે અમદાવાદ સહિત ગુજરાતના ઘણા જિલ્લાઓ માટે રેડ એલર્ટ જારી કર્યું છે. આ જિલ્લાઓમાં ખૂબ જ ભારે વરસાદ પડવાની ધારણા છે.
હવામાન વિભાગના ડિરેક્ટર અશોક કુમાર દાસે જણાવ્યું હતું કે અમદાવાદ સહિત ઘણા જિલ્લાઓમાં રેડ એલર્ટ જારી કરવામાં આવ્યું છે અને ખૂબ જ ભારે વરસાદ પડી શકે છે.
IMD વિભાગે અસામાન્ય વરસાદની શક્યતા પણ વ્યક્ત કરી છે.
ડિરેક્ટર અશોક કુમાર દાસે જણાવ્યું હતું કે આગામી અઠવાડિયામાં હળવાથી મધ્યમ વરસાદની અપેક્ષા છે. ૩૦ જુલાઈથી ૨ ઓગસ્ટ દરમિયાન ભારેથી અતિ ભારે વરસાદની ચેતવણી જારી કરવામાં આવી છે.
તેમણે જણાવ્યું હતું કે ૩૧ જુલાઈના રોજ નર્મદા જિલ્લામાં ભારે વરસાદની સંભાવના છે, જ્યારે દક્ષિણ ગુજરાતના અમદાવાદ, બોટાદ, જામનગર, આણંદ, વડોદરા, છોટાઉદેપુર, ભરૂચ, નર્મદા, સુરત, તાપી, ડાંગ, નવસારી, વલસાડ, દમણ, દાદરા નગર હવેલીમાં અતિ ભારે વરસાદની સંભાવના છે. શુક્રવારે અમદાવાદમાં ૮ ઇંચ સુધી વરસાદ પડી શકે છે, જ્યારે નર્મદામાં ૧૨ ઇંચ સુધી વરસાદ પડવાની આગાહી છે.
દરમિયાન, ઓરેન્જ એલર્ટ સાથે સુરેન્દ્રનગર, રાજકોટ, અમરેલી, ગાંધીનગર, ખેડા, પંચમહાલ અને દાહોદમાં ભારેથી અતિભારે વરસાદની અપેક્ષા છે. કચ્છ, મોરબી, વાવ, થરાદ, પાટણ, મહેસાણા, બનાસકાંઠા અને ગાંધીનગર સહિત અન્ય જિલ્લાઓમાં પણ ભારે વરસાદની આગાહી છે.
તેમણે એમ પણ જણાવ્યું હતું કે 1 ઓગસ્ટના રોજ અમદાવાદ અને આણંદમાં અત્યંત ભારે વરસાદની આગાહી છે. 1 ઓગસ્ટના રોજ પાટણ, વાવ, થરાદ અને બનાસકાંઠા વિસ્તારોમાં પણ ભારે વરસાદ પડવાની આગાહી છે. ડિરેક્ટર અશોક કુમાર દાસે જણાવ્યું હતું કે મહેસાણા, સાબરકાંઠા અને અરવલ્લીમાં પણ ભારે વરસાદ પડી શકે છે.
દરમિયાન, હવામાન વિભાગે માછીમારોને આગામી બે દિવસ સુધી દરિયામાં ન જવાની સલાહ આપી છે. સક્રિય ડીપ ડિપ્રેશન, મોનસુન ટ્રફ, શીયર ઝોન, વેસ્ટર્ન ડિસ્ટર્બન્સ અને ઓફશોર ટ્રફને કારણે આ પરિસ્થિતિ ઊભી થઈ છે.
0 Comments